Со четири возбудливи натпревари, започна осминафиналната фаза на традиционалниот „Петровденски турнир“ во мал фудбал во Конче. Турнирот влезе во својата завршна фаза, а публиката на теренот под рефлектори уживаше во борбени и динамични натпревари.
- Пешо Инженеринг – Наум Техника 3:6
Најголемото возбудување на вечерта го донесе овој натпревар, кој беше израмнет до самиот финиш. Сѐ до 36. минута резултатот беше 4:3, но Наум Техника ја искористи завршницата и со два брзи гола избори пласман во четвртфиналето.
- Црна Река – Изведен Ораовица 3:0 (службено)
Екипата на Изведен Ораовица не се појави на теренот, по што мечот беше регистриран со службена победа за Црна Река.
- Конче – Фурна Марфи 0:2
Дисциплиниран натпревар од двете страни, но Фурна Марфи успеа да постигне два гола во самиот финиш, доволни за пласман меѓу осумте најдобри.
- Рент а Кар Меда – Скара Гоне 5:0
Уште една доминантна партија на Рент а Кар Меда, кои со сигурна игра и висока победа се приклучија во четвртфиналето.
Турнирот продолжува вечерва (вторник, 9 јули) со втората осминафинална вечер, на програмата се следните четири меча:
Фреинт Оне – Стивал Лубница
Фенербахче Кичево – Јаков Тобако
Фенербахче Струмица – Ресторант Гринс
Радио Имплус – Валентина Промет
Турнирот се одвива во организација на ФК Серта – Конче, а Спортска Мрежа како медиумски покровител обезбедува секојдневна покриеност – резултати и известувања до големото финале.
