Фудбалскиот клуб Башкими од Куманово, кој оваа сезона ќе дебитира во македонската Прва лига, продолжува со засилување на играчкиот кадар, особено во офанзивниот дел од тимот.
Најново име во редовите на кумановскиот прволигаш е 26-годишниот напаѓач од Босна и Херцеговина, Недим Хаџиќ. Тој доаѓа со богато меѓународно искуство и се очекува да биде значајно офанзивно оружје за Башкими во новата сезона. Хаџиќ фудбалски се формирал во академијата на ФК Сараево, а низ кариерата има настапувано за клубови во Португалија, Словенија, Хрватска и Босна и Херцеговина.
Последно Хаџиќ беше дел од хрватскиот НК Оријент 1919, а сега со голем ентузијазам пристигнува во Македонија, каде ќе се обиде да остави силен белег и да помогне на Башкими во остварувањето на прволигашките амбиции.
