Ланскиот вицешампион Вардар со 12:0 го „распадна“ дебитантот Слободен кој беше инфериорен противник, а свое шоу на натпреварот имаше Теодора Јанковска која со седум погодоци сама го победни новиот второлигаш.
Мила Наумовска постигна хет-трик, а два погодоци беа дело на Миа Закев.
Девојките на Теодора Димитровска одиграа меч на високо ниво со тотална доминација, победата беше за очекувања, но резултатот е потврда во големата разлика на квалитетот на двете екипи.
Фаворитот Кочани преку двата погодоци на Афродита Салихи стигна до триумф од 2:0 над радовишка Плачковица, во меч каде гостинот од Радовиш парираше одлично и пружи силен отпор, но сепак трите бодови остануваат дома.
Борец доживеа вистински потоп и „потона“ во Охридското Езеро, откако Билјанини Извори со 8:2 го декласираше велешкиот второлигаш.
По два погодоци за домашниот состав постигнаа Марија Давчевска и голгетерката Марија Јулчовска, по еден гол постигнаа Сара Матеска, Лабина Јаневска, Марија Танеска и Александра Алексиеска.
За гостинот од Велес стрелци беа Мери Трајковска и Весна Мијлојевиќ кој стрелаа во вториот дел од мечот.
Реми во Валандово и поделба на бодовите, откако Победа Валандово 16 и Порече одиграа 1:1. Леона Гулеска во 50. минута погоди за 0:1 и водство на гостинскиот тим од Македонски Брод, а само една минута подоцна Софија Чилевска постина гол за 1:1, резултат кој замрзна до крај и стана конечен.
Гостинскиот тим од Македонски Брод беше воден од Јована Блажеска која беше тренер на тимот.
