Машката селекција „Под 20“ години одигра нерешени (69:69) на возвратниот дуел против соодветната селекција на Косово.
На реваншот одигран вечерва во Качаник, нашиот младински состав се издигна над лошото судење кое кулминирало со досудени девет технички грешки за нашиот национален состав, за на крајот, избраниците на селекторот Горан Самарџиев стигнат до егал-скор на ова гостување.
„Ќе кажам само тоа, ни беа досудени дури девет технички грешки за време на натпреварот во кој одлучив да ги поштедам Лукановски и Зетов, а многу малку во финишот на средбата, играше и Стојковиќ, како трет од стартната петорка која ја имавме на првиот меч во Скопје“- коментира селекторот Горан Самарџиев по оваа проверка, последна за нашата селекција „под 20“ години пред ЕП од Дивизијата „Б“ во Ерменија.
Нашите млади кошаркари имаа водство по првата четвртина (16:14), истото беше и на полувремето (37:35).
Косово беше подобар противник во третиот дел од играта кој го заврши со водство од (54:48). Домаќините имаа и двоцифрена предност во последната четвртина, во која нашиот тим успеа да ја стигне и да дојде до нерешен резултат.
Павел Иваанов со 14. поени (и пет скока) беше нашиот најефикасен кошаркар. Двоен ефект, од 10. поени и 11.скока, реализираше Исак Муареми. По седум реализации на оваа „контрола“ имаа Стојанов, Младеновски и Кузманов, шест поени постигна Кечовски, еден помалку имаше Јакимовски, четири даде Тачи, по три Николовски и Ќириловски, два имаше Величковски, а еден Лазаров.
