Прволигашот Шкупи го претстави 22-годишниот голман Иван Николоски, како ново засилување за новата сезона.
Николоски во Шкупи доаѓа од редовите на прилепска Победа, а станува збор за млад и перспективен голман, кој носи сигурност и квалитет меѓу стативите на прволигашот од Чаир.
Победа е матичен клуб на Николоски, а низ својата кариера беше дел од Каменица Саса, Беласица, Воска Спорт, Силекс, Велазерими, Дрита, Работнички и Брегалница, а градеше меѓународна кариера настапувајќи за Поградец од Албанија.
Николоски е поранешен член на македонската репрезентација до 21 година, а тој е син на поранешниот репрезентативен голман Јане Николоски.
