Македонскиот шампион Еурофарм Пелистер и оваа сезона ќе биде дел од најелитното ракометно натпреварување – Лигата на шампионите. Ова ќе биде трет последователен настап на битолскиот клуб во елитата, а вторпат по ред го добива настапот преку т.н. „вајлд-карта“, откако ја освои домашната Суперлига.
На денешната ждрепка што се одржа во седиштето на Европската ракометна федерација (ЕХФ) во Виена, беа извлечени групите за новата сезона. Еурофарм Пелистер се најде во исклучително тешка Група Б, каде ќе се соочи со вистински ракометни гиганти.
Противници на македонскиот првак ќе бидат актуелниот европски шампион Магдебург, шпанската Барселона и францускиот ПСЖ – клубови кои редовно се во највисокиот врв на европскиот ракомет. Покрај нив, Пелистер ќе се бори и против полскиот шампион Висла Плоцк, силниот дански ГОГ Гудме, како и добро познатиот регионален ривал – ППД Загреб од Хрватска.
Група А: Алборг, Фуксе Берлин, Веспрем, Киелце, Нант, Динамо Букурешт и Спортинг Лисабон.
Група Б: Висла Плоцк, Барселона, ПСЖ, ГОГ Гудме, Магдебург, ПИК Сегед, Загреб, и Еурофарм Пелистер.
