Фудбалскиот клуб Шкупи продолжува со засилувањата за новата сезона, а најново име во редовите на чаирчани е Малик Кадир, дваесет годишен германски фудбалер.
Кадир игра како десно крило но може да делува и како централен офанзивец, што му дава дополнителна разновидност на напаѓачката линија на Шкупи. Се работи за млад и перспективен фудбалер кој доаѓа од германската фудбалска школа, а со својата брзина, техника и чувство за гол, се очекува да внесе нова енергија во тимот.
Другото ново име во тимот на Шкупи е Андреј Ричков, дваесет и шест годишен централен дефанзивец со искуство во Првата македонска фудбалска лига.
Ричков последно настапуваше за Воска Спорт, каде беше стандарден првотимец и важен дел од одбраната. Со својата физичка подготвеност, добар преглед на играта и борбеност, се очекува да донесе стабилност и сигурност во дефанзивниот дел на тимот на Шкупи.
