Женскиот ракометен клуб Чаир кој загуби во финалето од Купот на Македонија го гради ростерот за новата сезона.
ЖРК Чаир ја врати Марија Николовска, која минатата сезона настапуваше во АЕК Атина, а пак на домашната сцена настапуваше и за Вардар, Ѓорче Петров и Спартак, а неколку пати учествуваше на подготовките во сениорската репрезентација.
Екипата промовираше и странско засилување се работи за Исабела Де Хесус Клементе Фереира од Бразил, која во Чаир доаѓа од португалски Алавериум.
Во својата кариера искусната Бразилка има настапувано и за Сорокаба од Бразил и Сан Педро од Португалија.
ЖРК Чаир потпиша со македонската кадетска и младинска репрезентативка Ема Кирова. Новата голманка на Чаир имаше одлични настапи на Европското младинско првенство во Романија, а потоа доби и повик во сениорскиот тим, а со Кирова, ЖРК Чаир го комплетира голманското трио.
Промоција во ЖРК Чаир имаше и Мила Трајковиќ, која одлично знае да се вклопи и во бековската линија како организатор на играта. Низ својата кариера играше за ЖРК Металург и ЖРК Куманово.
Трајковиќ е поранешна репрезентативка на Македонија, а Чаир добива ракометарка со која ја затвара позицијата лево крило.
