Екипата на Работнички го претстави своето ново засилување во одбраната, дваесет и девет годишниот Џелил Асани, кој официјално потпиша договор со клубот.
Искусниот стопер пристигнува како решение за празнините што се појавија по заминувањето на неколку играчи од првиот тим. Во последната сезона Асани настапуваше за Шкупи, каде одигра 24 натпревари во Првата македонска фудбалска лига, постигна 3 погодоци и запиша 2 асистенции.
Зад себе има богата меѓународна кариера. Играше во Албанија за Билиш, Влазнија и Ерзени, а настапуваше и за клубови од Босна и Херцеговина (Рудар Приједор и Младост Какањ), Русија (СКА), САД (Питсбург), Узбекистан (Машал), Белорусија (Торпедо Жодино) и Малта (Пемброк).
Во македонското првенство, покрај Шкупи, го носеше и дресот на Металург и Велазерими.
