Аргентинецот Мануел Куестас денес официјално стави потпис на четиригодишен договор со Вардар, за време на подготовките на клубот во Раденци, Словенија.
Дваесетгодишниот стопер пристигна во редовите на Вардар во Jануари годинава и во изминатиот период остави силен впечаток со своите фудбалски квалитети, дисциплина и посветеност на теренот. Неговото залагање и професионален пристап беа високо оценети од страна на стручниот штаб, што резултираше со заслужена доверба и долгорочен ангажман.
Иако досега немаше право на настап поради ограничувањата со бројот на странци во тимот, ова лето се отвора простор во ростерот и за него. Со тоа, Куестас конечно ќе може да го облече дресот на Вардар и да заигра на официјални натпревари.
Со потписот на Куестас, Вардар добива засилување на стоперската позиција и дополнителна стабилност во одбраната пред стартот на новата сезона.
