Новиот второлигаш Некст Левел од Охрид за новата сезона во Втората женска фудбалска лига се засили со искусната Драгана Гегова, која доаѓа од градскиот ривал Билјанини Изори.
24-годишната Гегова ќе го подигне квалитетот во тимот на Некст Левел, кој за првпат ќе се натпреварува во сениорска конкуренција, се работи за клуб кој е основа пред нешто колку еден месец. Гегова има искуство кое ќе треба да го пренесе во новиот тим и на младите фудбалерки, а тимот засега нема да оди со високи амбиции, освен да биде што повисоко на табелата.
Низ својата кариера Гегова покрај за Билјанини Извори од Охрид има настапувано и за Скопје, Шкендија од Тетово, Вардар, Истатов, Борец, Тиверија Брера од Струмица од каде и ја започна својата успешна професионална кариера.
Гегова и репрезентативно искуство настапувајќи за младинските репрезентации на Македонија до 17 и 19 години, како и за А репрезентацијата на Македонија.
