Македонските репрезентативци во таеквондо се подготвуваат на висински тренинг камп во Крушево, како дел од подготовките за големите меѓународни натпреварувања што следуваат.
Тренингот се одвива под раководство на селекторот и претседател на Македонската таеквондо федерација (МТФ), д-р Борче Костовски, и неговиот помошник, Иван Крстевски. Од МТФ истакнуваат дека токму федерацијата е покровител на овие летни висински подготовки за нашите најдобри таеквондисти, но и дека репрезентацијата располага со врвни услови за работа и напредок.
Таеквондо е водечки индивидуален спорт во Македонија – не само поради резултатите, туку и поради стабилната организациска структура, нивната визија и цел.
МТФ веќе ги насочува подготовките кон новите големи цели а тоа е освојување медали на Европски и Светски првенства, како и настап со висок пласман на Европските олимписки игри за млади, кои ова лето ќе се одржат во Скопје.
