Женската репрезентација на Македонија до 16 години од попладнево е во Плевља, Црна Гора, каде од утре до 23 јуни ќе се одржува БВА Балканскиот шампионат. Младите надежи на ова натпреварување ги предводи селекторот Горан Славков и неговиот помошник Виктор Зафиров.
Пионерките една седмица се подготвуваа во Скопје, во пресрет на Балканијадата на која покрај Македонија и домаќинот Црна Гора ќе настапат уште и Бугарија, Грција и Турција. Репрезентациите ќе се натпреваруваат по системот „секој со секого“.
Македонија, утре, во првото коло ќе игра против организаторот Црна Гора во 18 часот. Во второто коло, ден подоцна, од 15:30 часот пионерките ќе се соочат со Турција. На 21 јуни во 15:30 часот за противник ја имаат Грција. 22 јуни ќе биде слободен ден за нашите девојчиња, додека во последното коло на 23 јуни играат со Бугарија.
Повикани одбојкарки на позиција техниар се Јана Василевска и Тамара Велков, на позиција примач се Софија Стевановска, Ана Дота Олевска, Андреа Митиќ, Јована СПасовска, Софија Николовска, Ерјона Арслани, на позиција среден блокер се Ева Симов, Галена Ристовска и Илина Лакс, коректор е Ана Зулумовска, на позиција либеро се Мартина Анчева и Софија Танчева.
Селектор е Горан Славков, а пак тренер е Виктор Зафиров.
