Словенечкиот ракометен клуб Тримо Требње ќе настапи на меморијалниот турнир „Крсте Андоновски“ во Охрид како замена за грчкиот тим АЕК Атина.
Поради последните настани и суспензијата на АЕК од европските натпреварувања, тимот нема да биде во можност да учествува на турнирот, меѓутоа организаторите успеаја брзо да обезбедат респектабилна замена.
Тримо Требње, предводен од македонскиот тренер Раде Стојановиќ, ја заврши сезоната на третата позиција во словенечкиот шампионат и на овогодинешниот турнир во Охрид ќе игра во групата Б, заедно со Вардар, Еурофарм Пелистер и Динамо Панчево.
Четвртото издание на турнирот ќе се одржи од 19 до 23 Август ова лето, а ќе учествуваат осум екипи. Домаќинот ги очекува сите љубители на ракометот да дојдат и да уживаат во квалитетен ракомет.
