Работнички го гради тимот за новата сезона во Првата македонска фудбалска лига и за таа цел претстави ново засилување, се работи за Бразилецот Калани Алмеида, кој со „романтичарите“ потпиша двегодишен договор.
Новото засилување на Работнички има 23 години и се работи за офанзивен фудбалер, кој доаѓа од Словенија каде настапувал за НК Горица и за НК Томлин, а во Бразил има играно за Атлетико-МГ У20, Ботафого-ПБ, Маринга.
Претходно, Работнички се засили со Дашмир Елези и Васко Василев.
Работнички денес ќе го одигра првиот пријателски меч со Силекс во Кратово, а потоа ќе следува уште еден меѓусебен тест во Скопје.
Работнички ќе игра во квалификациите на Конференциската лига на УЕФА.
