По седум одиграни кола во Првата македонска фудбалска лига екипата на Гостивар е прва со 15 бодови на своето конто, на второто место е Шкендија со 14 бодови, на третото место е Работнички кој има освоено 13 бодови.
Силекс е на четвртото место со 12 бодови, шампионот Струга Трим Лум е на петтото место со 11 бодови. На делба на шестата позиција се Шкупи и Пелистер со по девет освоени бодови. Брера Струмица е осма со осум бодови.
Вардар е на деветтото место со седум бодови, Беса е во бараж зоната или на 10-тото место со пет бодови, колку што имаат Тиквеш и Воска Спорт кои се во опасната зона.
