Ракометниот клуб Младост 1977 од Богданци ја започнува сезоната 2025/26 со јасна цел – пласман во Суперлигата. За реализација на оваа амбиција, клубот го ангажираше едно од најпрепознатливите имиња во македонскиот ракомет – Горан Андоновски.
Поранешниот репрезентативец и член на славната генерација на Јафа Промет Ресен, Андоновски доаѓа со богато меѓународно и домашно тренерско искуство. Неговото доаѓање се смета за прво клучно засилување ова лето, кое треба да донесе стабилност, стратегија и нова енергија во младиот колектив на Младост.
Заедно со останатите дел од тренерскиот штаб – Мите Стоилов, Далибор Луќиќ и Горан Паунков – охриѓанецот Андоновски ќе биде дел од тренерскиот темел врз кој клубот ја гради својата иднина.
Во следниот период, клубот веќе работи на нови засилувања кои ќе бидат претставени во текот на јуни. Од Богданци порачуваат дека ова е само почеток на една нова и посветена етапа во историјата на РК Младост 1977.
Со доаѓањето на искусниот стратег Горан Андоновски на тренерското столче на клубот од Богданци се потврдуваа високи амбиции на Младост да се врати во Суперлигата. Управата на клубот од Богданци работи одлично, со јасна цел и визија на долгорочна основа, со што уште една се потврдува дека малото гратче на Југот на Македонија живее за ракометот, а салата „Млаз“ ќе биде исполнета до последното седиште.
