Женскиот ракометен клуб Металург Автокоманда го гради тимот за следната сезона, со тоа што продолжува со промоција на нови ракометарки и на продолжување на соработката со неколку ракометарки.
Тимот предводен од Јулијана Дамчевска ја продолжи соработката со досегашната голманка Софи Гошевска, која важи за едни од најперспективни голмани во Македонија и поради нејзиниот талент и одличните настапи ЖРК Металург Автокоманда ја задржа во своите редови.
Гошевска е младински шампион на Македонија, па тимот има млад и перспективен голман.
ЖРК Металург Автокоманда ја продолжи соработката и со Марија Јанкуловска, која е една од носителките на тимот и важи за еден од најталентираните млади бекови во Македонија.
Тимот предводен од Дамчевска ја продолжи соработката и со искусната Марија Гугуљанова, која важи за една од клучни ракометарки на ЖРК Металург Автокоманда, воедно таа е препознатлива со нејзината огромна борбеност на терените.
Тимот исто така ја продолжи соработката и со крилото Јана Ѓошевска и за следната сезона.
ЖРК Металург Автокоманда се засили со младото десно крило Мина Ѓурчевска.
Претходно, како што информираше Спортска Мрежа, ЖРК Металург Автокоманда се засили со пет ракометарки, се работи за Сара Ристовска, Ана Марија Коларовска, хрватскиот бек Петра Јершек, Ива Божиновска и Анастасија Николовска.
