По седум одиграни кола Гостивар изби на врвот од табелата во Првата македонска фудбалска лига, откако денес со 3:1 славеше над некогашниот шампион од Тетово, Шкендија на „Борис Трајковски“ во Маџари.
Огузхан во 22. минута постигна гол за 1:0 на полувреме и водство на домаќинот. На стартот од вториот дел Симоновски постигна гол за 2:0 со што веќе Гостивар имаше осетна разлика.
Во 87. минута Бесарт Ибраими намали на 2:1, но брзо Џало Балде погоди за 3:1. Машике од Гостивар во 95. минута беше исклучен од игра поради два жолти картони, но тоа немаше влијание врз резултатот.
Брера Струмица ремизираше без голови против Тиквеш на домашен терен играјќи (0:0), а реми без голови имаше и во Битоле меѓу Пелистер и Работнички.
Шкупи и Беса ги поделија бодовите на Чаир откако одиграа 1:1. Едмундсоон погоди во 24. минута за 1:0, а во 82. минута Али погоди за конечните 1:1 и бод за Беса.
Воска Спорт дојде до бод против шампионот Струга Трим Лум во „Езерското дерби“ на „Билјанини Извори“ откако одиграа 1:1. Јахја одново беше стрелец за домашниот тим во 50. минута, а во 67. минута Радески погоди за конечни 1:1.
Вардар загуби на Националната арена „Тодор Проески“ од Силекс во меч под рефлектори со минимални 0:1, откако Додев постигна гол во 92. минута.
Првично голот беше понишен од главниот судија, откако помошникот го крена знаменцето, а потоа по заедника дискусија и консултација, главниот судија покажа на центарот со што голот на Силекс важеше.
