Со голот на Александар Трајковски, македонската фудбалска репрезентација триумфираше во далечната Астана над Казахстан со минимални 0:1. Целта на Македонија е остварена и во Скопје ги носиме трите бодови, во јунскиот циклус имаме четири од шест бодови, победа со која јасно е дека до крајот на квалификациите Македонија ќе биде во игра за првото место, а тоа прво место води на Светското првенство 2026.
Нова одлична игра на македонската фудбалска репрезетанција, остваривме минимална, но голема победа, победа со која сме на првото место во групата одново, а вечерва ќе се соочат Белгија и Велс.
Трајковски погоди еврогол, откако од прва со волеј ја смести во мрежата на репрезентацијата на Казахстан, а Македонија денес во Астана одигра одлично за победа. Златни времиња за македонската репрезентација, одлична низа со одлични резултати, нека трае така и да се радуваме на пласман на Мундијалот. Заслужуваме!
Во вториот дел од мечот кога Казахстан имаше негатива од 0:1 се обидуваше да прави притисок кон голот на Македонија, имаше три шута кои завршија во рамката на нашиот гол, но нашата мрежа остана чиста.
Македонијо радувај се!
ФОТО: ФФМ
