Ракометарите на Еурофарм Пелистер се старо нови шампиони на Македонија откако во најголемото ракометно дерби славеа над Вардар среде Скопје со 30:32 со што титулата останува во Битола.
За Еурофарм Пелистер ова е деветта титула, трета во низа, а која беше прославена во СЦ „Јане Сандански“ во Скопје.
Македонското „Ел Класико“ беше организирано на високо ниво, исполнета сала до последното седиште, со двете навивачки групи „Комити“ и „Чкембари“, неверојатна атмосфера, неверојатна игра, егал игра, гол за гол, неизвесност… вистинско ракометно дерби.
Во екипата на Вардар најдобар беше Вуко Борозан со осум погодоци, а пак седум постигна Срдановиќ, кај шампионот Еурофарм Пелистер капитенот Филип Кузмановски постигна седум погодоци, а пак Тајник, Пешевски и Хосни постигнаа по пет гола.
Низ историјата екипата на Еурофарм Пелистер девет пати беше шампион, Првата титула беше освоена во далечната 1993 година, потоа следуваа титули во 1994, 1996, 1998, 2000, по пет години титулата беше освоена во 2005 година, а потоа следуваше долг пост, по што титулата во Битола се врати дури во 2023 година, па следуваше хет-трик со освојување на титулите во 2024 и 2025 година.
