Фудбалскиот клуб Силекс го промовираше своето четврто засилување за новата сезона 20-годишниот дефанзивец Малик Хамзиќ, кој пристигнува по една сезона мината во тимот на Гостивар.
Хамзиќ е талент на фудбалската академија на Работнички, каде ги мина сите младински категории. Во минатата сезона беше дел од ростерот на Гостивар, настапувајќи на 11 натпревари во Првата македонска фудбалска лига и на еден меч во Купот на Македонија.
Силекс претходно веќе ги обезбеди потписите на Мартин Мирчевски, Миљан Говедарица и Мигуел Пиреш, додека нови договори потпишаа Љупче и Ѓорѓе Џекови, како и Милош Николиќ.
Виолета Јанчева, Спортска Мрежа
