Со одигрување на вчерашниот бараж натпревар меѓу Бујковци и Беса од Сарај познати се сите екипи кои ќе се натпреваруваат во Трета лига – Север во сезона 2025/2026.
Вкупно 14 екипи ќе се натпреваруваат во најголемиот третолигашки регион, регион кој е најтежок да се избори опстанок со оглед на силната конкуренција и фактот што испаѓаат дури три екипи.
Во новата сезона ќе се натпреваруваат Во новата сезона во Трета лига – Север ќе играат Фортуна, Еуромилк ГЛ, Куманово, Ржаничино, БВК Коњаре, Аеродром, Беса Влазрими, Пчиња, Кадино, Башкими Љуботен и новите третолигаши Студеничани, Отља, Лопате и Беса Сарај.
Екипата на Студеничани како шампион на ОФЛ Кисела Вода директно без да игра бараж влезе во Трета лига – Север, Отља доаѓа како шампион на ОФЛ Липково, Лопате како шампион на ОФЛ Куманово, а пак Беса од Сарај како шампион на шампион на ОФЛ Скопје.
Колку за потсетување првопласираната екипа обезбедува бараж за можен влез во Втора лига, а пак последните три екипи директно испаѓаат во Општинската фудбалска лига или Четврта по ранг на натпреварување.
Од Трета лига – Север испаднаа екипите на Њу Старс, Риниа 98 и Академија Илинден.
