Второлигашот Вардар Неготино го најавува годишното собрание на клубот, кое ќе се одржи на 12 јуни 2025 година (четврток), со почеток во 18:00 часот. Настанот ќе биде отворен за јавноста и ќе претставува важен момент за пресек на сработеното во изминатите 3 ипол години.
На дневниот ред се наоѓаат пет точки:
- Презентација на планирани и остварени цели за периодот 2022–2025 година,
- Финансиски отчет и транспарентност за потрошените средства,
- Анализа на играчкиот кадар и состојбата со нереализирани плати,
- Разгледување на новиот статут за избор на собрание,
- Делегатски прашања и отворена дискусија.
„Ги повикуваме сите љубители на спортот, но и секој граѓанин кој сака да слушне за работењето на ГФК Вардар Неготино во изминативе 3 ипол години и конечно да се разјаснат сите шпекулации што испаднаа во изминатиот период“, велат од клубот.
Вардар Неготино се избори за директен опстанок, а имаше учинок од десет победи, три ремија и 17 порази и освоени 33 бодови.
