По два одиграни натпревари во Трета лига – Исток фудбалерот на Слога Виница, Игор Ѓорѓиев е најдобар стрелец со четири постигнати погодоци.
Октај Амедов, исто така фудбалер на Слога Виница и Дарко Нацев, фудбалер на Овче Поле од Свети Николе имаат по три погодоци.
Два погодоци на стартот од новата сезона постигнаа Петар Илиев од Дојранско Езеро, Благој Истатов од Хоризонт Турново и Димитар Стојановски од Овче Поле.
22 фудбалери се запишаа во листата на стрелци со по еден гол, а Живко Гоцев од Хоризонт Турново е единствениот засега кој си постигна автогол во новата сезона од Трета лига – Исток.
