В среда ќе се одиграат натпреварите од седмото коло во вонреден термин од Првта македонска фудбалска лига. Познати се и судиите кои ќе ја делат правдата на натпреварите.
Марјан Младеновски ќе им суди на Брера и Тиквеш во Струмица, Крумислав Ѓоргиев ќе биде главен во Битола каде ќе играат Пелистер и Работнички, Фатмир Бафто ќе ја дели правдата на Чаир каде ќе се соочат Шкупи и Беса.
Стојанче Трпчевски ќе го суди „Езерското дерби“ меѓу Воска Спорт и Струга на „Билјанини Извори“, Јован Качевски ќе биде задолжен за правдата на мечот Гостивар со Шкендија, а пак Димитар Пилешков ќе им суди на Вардар и Силекс.
Сите натпревари ќе се одиграат од 15 часот, освен мечот меѓу Вардар и Силекс кој се игра на Националната арена „Тодор Проески“ во Скопје со почеток од 20 часот.
- ДЕЛЕГИРАНИ СУДИИ 7. КОЛО ПРВА ЛИГА:
Брера Струмица – Тиквеш, Марјан Младеновски (Скопје)
Пелистер – Работнички, Крумислав Ѓоргиев (Штип)
Шкупи – Беса, Фатмир Бафто (Охрид)
Воска Спорт – Струга Трим Лум, Стојанче Трпчевски (Кавадарци)
Гостивар – Шкендија, Јован Качевски (Струга)
Вардар – Силекс, Димитар Пилешков (Штип)
