Овој викенд ќе бидат одиграни натпреварите од последното 26. коло на младинската женска фудбалска лига со што ќе заврши сезоната 2024/2025.
Во рамки на последното коло екипата на Цевитана со убедливи 7:1 го декласираше тимот на Топ Гол од Битола. Евгенија Огненоска постигна хет-трик за прилепскиот тим, а по двапати погодија Александра Секулоска и Матеја Бардакоска. За гостинската екипа единствен стрелец беше Александра Ристевска која погоди во 65. минута.
Атлетико однесе убедлива победа од 0:6 над Билјанини Извори во Охрид, а за битолскиот тим двојни стрелци беа Јана Бошковска, Теа Ангелеска и Ива Манасијевска.
Истатов со погодоците на Матеа Илиевска и Леона Постолова постигнати во првиот дел триумфираа со 0:2 над Тиверија Брера во Струмица.
Речица со 1:3 славеше против Љуботен во послендиот меч за оваа сезона. Домашиот тим прво го отвори резултатот по три минути игра преку Марија Јованоска, но веќе во 5. минута беше 1:1 со голот на Тиана Ристиќ. Пред крајот на првото полувреме Ива Тоневска постигна гол за 1:2 на полувреме.
Во вториот дел конечни 1:3 ги постави Ива Трајковиќ откако погоди во 57. минута од натпреварот.
Кочани благодарение на двата гола на Андреа Крстова славеше со 3:2 над Фудбал Старс. За победничкиот тим гол даде и Марија Радева, а за Фудбал Старс двапати погоди Марија Велиновска.
Натпреварот меѓу Каменица Саса и Ас Јунајтед од Струга заврши без победник (0:0) за поделба на бодовите.
Последното 26. коло од младинската женска фудбалска лига ќе се комплетира утре со мечот меѓу Скопје и Победа Валандово.
