Во тек е одржувањето на Шаховска олимпијада (ШО) во Будимпешта, Унгарија, која ќе заврши со натпреварите во недела.
Македонската машка репрезентација загуби со 1.5 – 2.5 од Шведска, откако оваа репрезентација обезбеди победа над македонски шахисти на третата и четвртата табла на кои Емил Ристески и Антон Златко забележаа порази. Евгени Романов забележа победа на првата табла, а пак Никола Николовски ремизираше на втората табла.
Што се однесува до настапот на дамите, македонската репрезентација предводена од Моника Стојковска, Ивана Манова, Моника Жежовска и Сања Трајковска беше убедлива против репрезентацијата на Нов Зеланд.
Македонската репрезентација и во машка и во женска конкуренција бележи одлични резултати на Шаховска олимпијада (ШО) во Будимпешта, Унгарија. Ваквите резултати се должат и на одличните подготовки кои нашите шахисти ги имаа на Попова Шапка пред Олимпијадата.
