Осум фудбалери од шест различни екипи нема да настапат овој викенд во рамки на 24. коло од Третата македонска фудбалска лига – Југ, поради акумулирани пет жолти картони.
Башкими 2008 ќе биде без Лавдрим Лазами и Бурхан Исмети за дуелот со Слога Лажани, која, пак, нема да смета на Насер Каришиќ. Дреново против Превалец ќе игра без Берхан Мемедов, а Превалец без Давид Спиридонов.
Росоман, кој гостува кај Младост Кривогаштани, ќе биде без Кристијан Јованов и Тоше Кочовски. За Ултрас, против Венец Долни Дисан, нема да настапи Миодраг Тасески.
Дополнително, дури 19 фудбалери имаат по четири жолти картони, и со следниот добиваат автоматска суспензија од еден натпревар.
