Поради акумулирани пет жолти картони, пет фудбалери од четири екипи ќе го пропуштат 27. коло на Втората македонска фудбалска лига.
Брегалница, која ќе има тешко гостување во Гостивар против Арсими, нема да може да смета на Иван Галевски и Иљаз Чиљафи.
Осогово, кое во следното коло ќе гостува во Прилеп кај Победа, нема да може да смета на Давид Ристовски. Каменица Саса за мечот со Вардар Неготино ќе биде без Мартин Димоски.
Вардарски на натпреварот со Новаци ќе биде без Марко Софијаноски.
Овие пет играчи нема да можат да настапат за своите екипи во рамките на 27. коло на Втората лига.
