Оваа година се одбележува значаен јубилеј – 10 години од првиот RB голмански камп, проект што досега има реализирано 16 изданија во 5 држави и кој важи за еден од најпрестижните голмански кампови на Балканот, а го организира искусниот Бранислав Радојчиќ.
До денес, преку 300 млади голмани од 11 различни земји биле дел од кампот, а дел од нив денес ги брани боите на младинските и сениорските селекции на своите земји. Кампот е отворен за голмани и голманки на возраст од 7 до 19 години.
RB голманскиот камп оваа година повторно ќе се одржи во Колашин, Црна Гора, живописно место на 900 метри надморска височина кое нуди одлични услови за тренинг и престој. Учесниците ќе имаат можност да тренираат на три терени – два со природна и еден со вештачка трева, да бидат сместени во етно-комплексот „Старо огњиште“ со вклучена целосна исхрана (полн пансион), како и да присуствуваат на 12 тренинзи по 90 минути, две едукативни предавања и два излета – до Биоградското Езеро и ски-стазата „Колашин 1600“.
Кампот ќе се одржи во период од 29 јуни до 6 јули 2025 година, седум полни пансиони, 11 тренинга по 90 минути. Ќе се работи во групи, ќе има видео анализа и многу можност за напредок.
Со младите голмани ќе работат тренери со UEFA GK лиценци и искуство во клубови како Партизан, Црвена Звезда, Динамо Загреб, Вардар, Војводина и други.
За сите заинтересирани, пријавувањето се врши на телефонскиот број: +381 60 06 28 987 (достапен и на Viber).
Спортска Мрежа со гордост информира дека е медиумски покровител на RB кампот уште од 2021 година, следејќи го развојот и растот на овој проект кој станува препознатлив и надвор од границите на Балканот.
