Познати се судиите кои ќе ја делат правдата на натпреварите од 3. коло на плеј-офот и плеј-аутот.
Димитар Митревски и Благојче Тодоровски од Битола ќе им судат на Вардар и Охрид, а пак делегат ќе биде Марјан Начевски од Скопје.
Овој натпревар се игра денес во СЦ „Јане Сандански“ во Скопје со почеток од 18 часот.
Спаско Ќаев и Глигор Ќаев од Скопје ќе им судат на Тиквеш и Бутел во Скопје, а пак Лери Мически од Скопје ќе биде делегат на мечот.
Овој меч се игра во спортската сала „Јасмин“ во Кавадарци в недела со почеток од 18 часот.
Дербито се игра в недела во салата „Боро Чурлевски“ во Битола, меѓу Еурофарм Пелистер и Алкалоид. Делители на правдата ќе бидат Ѓоко Колевски и Сашо Кркачев од Скопје, а делегати ќе бидат Драган Начевски и Душко Камишевски.
Во плеј-аутот в сабота од 18 часот Радовиш на домашен терен ќе игра со Струга, а судиска двојка ќе биде Александар Вукашиновски и Мирко Трајквоски од Скопје, додека пак Васил Чавдаров од Богданци ќе биде делегат на мечот кој се игра во СРЦ „25 Мај“ во Радовиш.
В сабота со почеток од 18:30 часот во салата „Македонско Сонце“ во Скопје ќе се соочат Пролет и Борец ФЛ, а за правдата ќе бидат задолжени Виктор Начевски од Скопје и Даниело Божиновски од Битола, а пак Илија Цветковски од Прилеп ќе биде делегат.
В недела со почеток од 18 часот во салата „Перо Наков“ екипата на Куманово ќе го пречека Прилеп, каде Виктор Андонов и Стојанче Јовановски од Скопје ќе ја делат правдата, а пак Марјан Огњановски од Скопје ќе биде делегат на мечот.
