Спортската сала „Боро Чурлевски“ е распродадена и на ракометното дерби меѓу шампионот Еурофарм Пелистер и Алкалоид ќе биде исполнета до максимум што ќе биде вистинсти спектакл.
Во рамки на 3. коло на плеј-офот се игра дербито во Битола, а кое ќе започне во 18:00 часот.
„За секој натпревар се спремаме максимално, па така и за Алкалоид. На секој натпревар сакаме да одиме на победа и оваа година сакаме да бидеме шампиони и тоа треба да го покажеме и на теренот“, рече Филип Кузмановски во изјава за Спортска Мрежа.
Ѓоко Колевски и Сашо Кркачев од Скопје ќе ја делат правдата, а пак Драган Начевски и Душко Камичевски ќе бидат делегати на натпреварот.
