Ќе биде неизвесна трката за тоа кој да биде најдобар стрелец во Третата македонска фудбалска лига – Југ, откако по 19 одиграни кола најдобар стрелец е Петар Ристовски, фудбалерот на Венец од Долни Дисан со постигнати 19 гола.
Но, вториот најдобар стрелец има 18 гола, се работи за Армен Мемедов, кој го носи дресот на Дреново.
Овие двајца фудбалери ја продолжуваат борбата за тоа кој на крајот од сезоната да биде најдобар стрелец во Трета лига – Југ.
На третото место на листата на најдобри стрелци е фудбалерот на Големо Коњари, лидер во Трета лига – Југ со 16 погодоци, а по 12 гола имаат Антонио Димоски од Младост од Кривогаштани и Бобан Тошески од Ултрас.
Во Трета лига – Југ постигнати се шест автоголови, од кои два се на Емир Каришиќ од Слога Лажани, а по еден автогол си имаат постигнато Ѓоке Ангелов од Дреново, Флорим Бескими и Аџи Фејзулаи од Влазними Јуниор и Желимир Трикиќ од Росоман.
