Утре се играат полуфиналните двојки од Купот на Македонија, познати се и судиите кои ќе бидат задолжени да ја делат правдата на првите натпревари.
На Националната арена „Тодор Проески“ во Скопје ќе се соочат Вардар и Брера Струмица, каде главен судија ќе биде Фатмир Бафто од Охрид, негов прв помошник ќе му биде Дарко Јовчевски од Тетово, а втор помошник Мартин Петковски од Куманово.
За четврт судија на овој натпревар е делегиран Пларент Салихи од Тетово. Делегат ќе биде Антонио Насевски од Кратово, додека пак Делчо Јакимов од Скопје ќе биде контролор на натпреварот.
Вториот полуфинален меч се игра на Градскиот стадион во Тетово каде ќе се соочат Шкендија и Струга Трим Лум. Главен судија на овој натпревар ќе биде Стојанче Трпчевски од Скопје, негов прв помошник ќе биде Тоше Ицев од Кавадарци, втор помошник ќе биде Вјолца Изеири од Гостивар.
За четврт судија во Тетово е делегиран Бењамин Ќерими од Скопје. Делегат на на мечот ќе биде Емин Кранли од Ресен, а пак контролор ќе биде Никола Караколев од Штип.
Натпреварите започнуваат во 16 часот.
