Во рамки на 14. коло на Општинската фудбалска лига (ОФЛ) Гази Баба или Четврта лига по ранг на натпреварување екипата на Маџари Солидарност со 2:4 го доби тимот на Илинден.
За домашниот тим Коста Најдовски беше двоен стрелец, а пак за гостинот хет-трик постигна Ерхан Абаз, а четвртиот гол беше дело на Златан Крстевски.
Поранешниот третолигаш Петровец на домашен терен загуби од екипата на Дељадровци со резултат од 2:3. Двата гола за домашниот тим ги постигна Коле Стојановски, а пак за гостинот двоен стрелец беше Филип Трпески, а пак Ивица Илиевски беше автор на третиот гол за гостинот во 33. минута.
Лидерот Бујковски во 87. минута со голот на Димитар Папазов го доби мечот со Гоце Делчев.
Ускуп „пукна“ петарда откако со 5:1 го декласираше Инџиково на домашен терен Гостинот преку Ферид Абедин во 18. минута дојде до предност од 0:1, а до крајот на првиот дел домаќинот преку Турхан Кумбараџи и Еркан Ибраимов направија пресврт за 2:1 на полувреме.
Во вториот дел Куртуш Јонузовски, Мехмедали Јусуфоски и Ракип Даци погодија за конечни 5:1.
Екипата на Долно Коњари со 3:1 го доби натпреварот со Миладиновци. Резултатот беше отворен преку Ирфан Растодер во 15. минута од мечот за 1:0 на полувреме. Во вториот дел Ведат Арслан погоди за 2:0 во 55. минута, а десет минути подоцна Сеад Јакупи погоди за 3:0. Конечниот резултат од 3:1 го постави Борче Бојковски.
Во однос на табелата Бујковци е прв со 34 бодови, но има меч повеќе во однос на Долно Коњари кој е втор со 26 бодови и Маџари Солидарност кој е трет со 25 бодови, екипата на Марино е на четвртото место со 23 бодови.
