Прволигашот Тиквеш од Кавадарци за пролетниот дел од сезоната и официјално се засили со Александар Мишов и Берат Садик.
Трансферот на Мишов, Спортска Мрежа го најавуваше изминатиот период. 26-годишникот се враќа во Тиквеш од редовите на Туран, а има настапувано и за Етар од Бугарија, Самтредија од Грузија, за велешки Борец и Брера Струмица во домашниот шампионат, покрај и за Тиквеш.
38-годишниот Садик во Кавадарци доаѓа од тимот на Докса од Кипар, поранешен репрезентативец на Финска, имаше одличен настап во Докса, а низ својата кариера има настапувано за неколку екипи од Кипар, има настапи во Шпанија и Словенија, Швајцарија, за екипи Белгија, Германија и неколку екипи од Финска.
Пролетниот дел Тиквеш го отвара против Силекс во Кратово.
