Прилепскиот второлигаш Победа за пролетната полусезона се засили со 20-годишниот Исмаил Бектеш, кој доаѓа од редовите на второлигашот Новаци.
Се работи за млад и талентиран фудбалер кој треба да биде големо освежување во редовите на Победа за пролетната полусезона, во која поранешниот прволигаш од Прилеп ќе треба да го потврди опстанокот во Втората лига.
Бектеш, покрај за Новаци има настапувано и за Каменица Саса, Тетекс, настапуваше за младинските категории на Работнички и Македонија ЃП.
Победа се наоѓа на 12. место на табелата со 14 бодови на своето конто, а пролетниот дел го отвара на домашен терен против штипска Брегалница.
