Екипата на Кеги Моби за новата сезона во Првата футсал лига се засили на голманската позиција со Филип Гигов, кој доаѓа од КМФ Мал Ајакс од Штип.
Популарниот Гига минатата сезона имаше одлични настапи за штипскиот клуб, а сега прави чекор напред во својата кариера со трансфер во велешкиот тим кој минатата сезона заврши на второто место во првенството.
„Голманската позиција бара храброст, концентрација и карактер, а пред Филип е можност со напорна работа и добри одбрани да остави свој белег во нашиот дрес. Неговото доаѓање носи дополнителна конкуренција и нова енергија во голманската екипа. Гига, ти посакуваме многу успешни настапи, сигурни одбрани и заеднички победи! Добредојде во нашето клупско семејство“, велат од вицешампионот.
Кеги Моби мечот од првото коло со Осогово го доби со службен резултат бидејќи противникот не се појави на теренот, а пак во второто коло ќе се соочи против Шкупи во дерби меч.
