Второлигашот Камјани го назначи новиот шеф на стручниот штаб, кој ќе го води тимот во понатамошниот дел од првенството. Љабинот Муслиу е нов тренер на дебитантот во второлигашката конкуренција.
42-годишниот тренер доаѓа како наследник на Бурхан Емурлаи, а неговото деби ќе биде во недела против Кожуф на домашен терен, во меч од 8. коло на Втората македонска фудбалска лига.
Муслиу претходно работеше како помошник во прволигаш Арсими во Вилдан Салиу, а сега ќе има работа како шеф на стручен штаб со што започнува ново поглавје во неговата кариера.
Претходно, Муслиу работеше и во некогашниот прволигаш Гостивар.
Инаку, Спортска Мрежа пред речиси една година имаше интервју токму со Муслиу, каде разговаравме на повеќе теми поврзани со фудбалот и неговата кариера.
Муслиу има УЕФА А лиценца од 2021 година, а со фудбалската кариера релативно рано завршува на 27 години, а се работи за дипломиран правник по професија.
Целосното интервју со Муслиу на Спортска Мрежа за неговата кариера можете да го прочитате овде.
