КК Кожув го претстави своето ново засилување за сезоната – 21-годишниот македонски бек Михаил Стојанов.
Стојанов е висок 185 сантиметри, а во изминатите сезони настапуваше за ТФТ Моцарт Скопје, каде што го стекна потребното искуство во македонската кошарка, но и на меѓународната сцена.
Младиот бек има настапи и во АБА 2 лигата, каде што се соочуваше со силна регионална конкуренција и дополнително го надгради своето искуство. Во сезоната 2025/26 забележа одличен индивидуален настап против Златибор, кога за 23 минути на паркетот постигна 13 поени, со максимален учинок од 3/3 за два и 2/2 за три поени.
Стојанов во Гевгелија пристигнува како млад, борбен и амбициозен кошаркар, со желба за понатамошен напредок и нови успеси во дресот на Кожув.
