Кошаркарскиот клуб Соколи 1933 вчера го одржа првиот тренинг под водство на новиот тренер Марјан Србиновски, со што официјално ги започна подготовките за новата натпреварувачка сезона.
На првиот тренинг присуствуваше и градоначалникот на Општина Штип, Иван Јорданов, кој им посака добредојде на новите играчи и стручниот штаб, упатувајќи им поддршка и желби за успешна сезона.
Градоначалникот најави дека од 9 септември КК Соколи ќе продолжи со подготовките во новата спортска сала, каде што екипата ќе има одлични услови за тренинг, работа и напредок.
Првиот тренинг помина во позитивна атмосфера, со високо темпо, голема мотивираност и максимална посветеност од страна на кошаркарите.
Со нов тренер и амбициозни планови, КК Соколи го започнува новото поглавје со јасна цел – напорна работа и што подобри резултати во сезоната што следува.
