Екипата на Озан Ајаз е победник на овогодинешното издание на турнирот во мал фудбал „Црнилиште Куп 2026“, откако во големото финале славеше над Zo-Ell со резултат од 1:2.
Атрактивно и неизвесно финале, многу шанси и можност за погодоци, а публиката проследи финале со воодушевување.
Во мечот за третото место пенали се покажаа како клучни, откако во регуларниот дел Mason Consulting FZCO и Balltin Klepall одиграа 4:4, а во пенал серијата екипата на Mason Consulting FZCO беше подобар со 3:2.
Со финалните натпревари вечерва успешно заврши овогодинешното издание на турнирот во мал фудбал „Црнилиште Куп 2026“.
Уште еден турнир со одлична организација, со многу натпревари, со многу публика во текот на секоја вечер, организаторите завршија одлична работа, а овој турнир се етаблира како еден од најдобрите во Македонија.
Спортска Мрежа и годинава медиумски го поддржа овој турнир со извештаи од сите натпревари секоја вечер.
