Вечерва стартува турнирот во мал фудбал „Конче 2026“ со првите натпревари со кои ќе биде отворена вечерва.
Малата рурална општина позната по езерото Мантово, но и производството на тутун ќе ужива во возбудливи натпревари секоја вечер до големиот празник Петровден.
Честа да се отвори турнирот ќе ја имаат екипите на Фурна Марфи и Интерпласт, меч кој ќе стартува во 19 часот, еден час подоцна Фурна Марфи ќе игра против Млади Таленти.
Од 21 часот ќе следува мечот меѓу Липовиќ и Парналија, а пак од 22 часот Парналија ќе игра против Перо и Тајфата.
„Ве покануваме и ве очекуваме на добар фудбал, дружба, забава и ладно пиво – заедно да навиваме. Од утре и официјално започнува турнирот во мал фудбал „Конче 2026“, ги повикуваме сите екипи на фер-плеј, а публиката на коректно навивање. Со среќа на сите екипи, нека победи најдобриот – Конче во следните денови ќе пулсира во знакот на малиот фудбал“, велат организаторите на турнирот.
Спортска Мрежа и годинава медиумски ќе го поддржи турнирот, секоја вечер ќе имате можност да читате детални извештаи за натпреварите со фотографии и видеа.
