По историскиот успех на ГРК Охрид и освојувањето на ЕХФ Европскиот Куп, утре на Градскиот плоштад ќе биде организирана шампионска прослава за ракометарите, стручниот штаб и навивачите.
Охрид денес живее во знакот на најголемиот успех во клупската историја. „Гладијаторите“ ја израдуваа цела Македонија со европскиот трофеј, а утрешната прослава ќе биде можност навивачите одблиску да ги поздрават своите херои и заедно да го одбележат историскиот момент за охридскиот и македонскиот ракомет.
Се очекува на плоштадот да владее вистинска шампионска атмосфера, со илјадници навивачи кои ќе ја споделат радоста со ракометарите што испишаа историја на европската сцена.
Деталите околу времето на почетокот и целосната програма на прославата ќе бидат објавени рано наутро.
Охрид вечерва слави европска титула, а утре градот ќе приреди пречек каков што доликува на новите шампиони на Европа.
