Денес беа одиграни натпреварите од последното 27. коло на Првата женска фудбалска лига, а во рамки на истото новиот шампионот Скопје со минимални 1:0 ја доби Тиверија Брера, преку голот на Мила Панева постигнат во 35. минута.
Ас Јунајтед ја имаше најубедливата победа откако со 8:1 го доби Топ Гол кој пред неколку кола испадна во Втората лига.
Оливера Цоклеска постигна два гола, а по еден гол запишаа Теодора Далческа, Јована Павловска и Диелза Ибраими, а пак во вториот дел стрелаа и Веса Села, Лина Луканова и Кристина Мојсоска.
За гостинскиот тим до Битола единствен стрелец беше Јоана Зебековска.
Каменица Саса со 0:6 го декласираше Кочани во гости преку хет-трикот на најдобриот стрелец во шампионатот Ана Димиторвска, погодоците на Бразилката Тчеури Харму Гоја и голот на Јована Петрушовска, откако Ања Стојмиловска си постигна автогол.
Ланскиот шампион Љуботен со 1:5 го доби мечот со Речица, преку двојните стрелци Улза Максути и Настасја Накова, како и голот на Меланија Грозданова, додека пак за домаќинот единствен стрелец беше Јасмина Јовановска.
Единствениот меч без погодоци беше тој меѓу Вардар и Истатов кој заврши со поделба на бодовите (1:1). Вардар прв стигна до водство преку гол на Ивана Милевска која погоди во 31. минута, а гостинот преку голгетерката Радица Чонева во 44. минута ги постави конечните 1:1.
Скопје е шампион и ќе игра квалификации за Лигата на шампионите, Топ Гол испадна во Втора лига, а Кочани ќе игра бараж со Билјанини Извори од Охрид бараж за опстанок.
