Познати судиите за бараж натпреварите за Втората македонска фудбалска лига. Три натпревари ќе бидат одиграни во сабота, а еден меч во недела.
Дуелот во Кратово меѓу Каменица Саса и Еуромилк ГЛ ќе го суди Доне Ристовски, а ќе му помагаат Тоше Ицев и Роберт Црвенов, а Боби Величков ќе биде четврт судија.
Делегат ќе биде Илија Поп Костов, контролор ќе биде Сашо Лазаревски, комесар за безбедност на ФФМ ќе биде Кренар Шуку, а комесар за безбедност ќе биде и Стојан Глигоров.
Во Кочани ќе се одигра мечот меѓу Кожуф и Борец, а за правдата ќе биде задолжен Александар Грујоски, негови асистенти ќе бидат Куштрим Лика и Давор Цветаноски, а пак Димитар Пилешков ќе биде четврт судија.
Мијалче Маџунаров ќе биде делегат, а контролор Никола Караколев. Комесар за безбедност ќе биде Атанас Ризов.
Во Штип ќе се соочат третолигашите Победа Валандово и Камјани, а правдата ќе ја дели Јован Качевски, а негови асистенти ќе бидат Владимир Митревски и Јовче Кокевски, а пак Крумислав Ѓоргиев ќе биде четврт судија.
Делегат на средбата ќе биде Ангел Ташев, контролор е Марјан Кировски, а комесар за безбедност ќе биде Алберто Грозданов.
Последниот бараж меч меѓу Тетекс и Влазними ќе се одигра в недела на стадионот во Ѓорче Петров. Главен судија ќе биде Стојанче Стојанов, негови помошници ќе бидат Мартин Петковски и Александар Ѓурковски, а пак четврт судија ќе биде Дарко Стојанов.
Делегат ќе биде Тони Петков, контролор Димитар Мечкаровски, а пак комесар за безбедност на ФФМ ќе биде Славко Дукоски.
Сите мечеви ќе започнат во 16:30 часот.
