Пелистер в недела на Градскиот стадион во Кавадарци ќе го одигра бараж натпреварот за опстанок во Првата македонска фудбалска лига против второлигашот Шкендија Арачиново.
Верната навивачка група „Чкембари“ најавува „окупација“ на Кавадарци, собир во голем број и силна поддршка за својот миленик во најважниот меч сезонава – триумф во баражот за опстанок во елитата.
Натпреварот меѓу Пелистер и Шкендија Арачиново стартува во 16:30 часот, а од навивачката група „Чкембари“ најавија централен собир за сите Чкембари, битолчани и за сите кои сакаат да му дадат поддршка на Пелистер, за во 15 часот на плоштадот во Кавадарци.
Пелистер заврши на осмото место во Првата лига, а пак Шкендија Арачиново на третото место во Втората македонска фудбалска лига.
