Последното коло во Трета лига – Север донесе многу погодоци – Фортуна на домашен терен со 6:0 го доби Ржаничино преку Рамани кој беше двоен стрелец, а по еден гол постигнаа Максуди, Исмаили, Сула и Јашари.
Беса од Сарај победнички ја затвара сезоната откако на домашен терен со 2:0 го доби Башкими Љуботен. Стрелци на двата погодоци во првиот дел беа Мустафа Јусуфи и Амар Мустафа.
Лопати со 1:2 славеше над Отља во гости, откако за гостинскиот тим стрелец на двата гола беше Биљали Хасан, а за домаќинот беше Љиридон Реџепи.
Кадино и Аеродром ремизираа во меч со шест гола (3:3). Миовски, Зулбери и Спасевски беа стрелци за домашниот тим, кој во минатото беше дел од Втора лига – Запад, а пак за гостинот Блажевски постигна еден гол, а пак Наумовски беше двоен стрелец.
Студеничани на домашен терен со 6:3 забележа триумф над БВК Коњаре. Нехат Емини постигна хет-трик, Зејди Шабани беше двоен стрелец, а еден гол беше дело на Риад Кадри. За гостинот стрелци беа Меме, Бакиевски и Мустафа.
Пчиња со голот на Даниел Васиќ во 83. минута славеше над шампионот Еуромилк ГЛ со минимални 1:0.
Куманово со убедлива победа на домашен терен ја затвори сезоната откако славеше со 4:1 над Беса од Слупчане. Мемеди, Реџепи, Златковски и Симиќ беа стрелци, за гостинот единствен стрелец беше Фетаи.
Еуромилк ГЛ со 70 бодови стана шампион во Трета лига – Север, втор е БВК Коњаре со 54 бодови, а пак Куманово заврши трет со 51 бод.
Тимот од Горно Лисиче ќе игра бараж за влез во Втора лига.
