Заврши сезоната во Трета лига – Запад, екипата на Влазними е шампион и ќе игра бараж за влез во Втора лига, но стружани со пораз ја затворија сезоната пред второлигашкиот бараж, откако загуби во гости од Кравари со 3:0.
Иве Трифуновски беше двоен стрелец, а еднаш погоди Јовица Христовски, сите три гола паднаа во првиот дел.
Натпреварот меѓу Демир Хисар и Могила беше вистинска голеадата без победник со шест гола за 3:3. Стевче Ангелевски, Александар Ангелевски и Дарко Неделковски беа стрелец за домаќинот, за гостинот погодија Стефан Крстевски, Хакан Алимовски и Мики Талевски.
Света Троица со убедливи 4:2 во Охрид го доби Кораб од Дебар, во меч каде за Охриѓани двоен стрелец беше Димитар Кочески, а по еден гол постигнаа Леонид Џајкоски и Никола Угриноски. За гостинот Ураник Уштеленца и Фатјон Леши беа стрелци.
Мечот во Мешеишта меѓу Славеј и Караорман не се одигра, откако домашната екипа ненајавено не се појави на теренот, па тоа ќе значи службена победа за екс второлигашот од Струга.
